Gjatë natës mes të merkurës dhe të enjtës, ka pasur reshje të panderprera të borës, të cilat edhe e kanë vështirësuar çarkullimin. Mirëpo kompanitë e kontraktuara nga Komuna janë vazhdimisht në terren duke hapur rrugët.
Dy kompanitë e kontraktuara për mirëmbajtjen e rrugëve gjatë sezonit dimëror në Komunën e Drenasit kanë filluar qysh në orët e hershme të mëngjesit të bejnë pastrimin e rrugëve kryesore atyre dytësore dhe i janë përgjigjur kërkesave të veçanta.
Organet mbikqyrëse për të dy kompanitë, kanë qenë vazhdimisht në mbikqyrje të kompanive dhe intervenimet kanë qenë me kohë dhe do të jenë në vazhdimësi. Deri më tani të gjitha rrugët në Komunën e Drenasit janë të kalueshme dhe nuk ka ndonjë vështirësi në terren. Fshatrat e thella kanë më shumë probleme në rrugë, pasi sasia e borës është më e madhe, por përgjithësisht rrugët janë të kalueshme. /Drenica Press/
