Autoritetet kanë marrë në pyetje kryeministrin izraelit, Benjamin Netanyahu, për tre orë resht, lidhur me akuzat se ai ka pranuar dhurata të shtrenjta nga dy biznesmenë, konfirmuan dje në mbrëmje zyrtarët e policisë.
“Njësia kombëtare e policisë mori në pyetje kryeministrin izraelit, Benjamin Netanjahu, lidhur me dyshimet se ka pranuar të mira materiale të shtrenjta”, sipas një deklarate të policisë.
“Ai u pyet për tre orë në rezidencën e tij. Në këtë fazë nuk ka detaje të mëtejshme për të dhënë”, thuhet më tej në deklaratë.
Prokurori i përgjithshëm izraelit, Avichai Mandelblit konfirmoi ndërkohë dhjetëra persona të marrë në pyetje në Izrael dhe jashtë vendit si pjesë e hetimeve të fundit.
Ministria e Drejtësisë ka publikuar një deklaratë që konfirmon se ka nisur një hetim.
Deri më tani, prokuroria nuk ka konfirmuar raportet e medias lidhur me një hetim të vazhdueshëm.
Kryeministri hodhi poshtë akuzat të dielën në një deklaratë.
Policia izraelite ka hetuar më parë kryeministrin lidhur me parregullsi financiare. /ata/
