Grupi për të drejtat e kafshëve (PETA) ka publikuar pamje shqetësuese të krokodilëve, të cilëve u rripet lëkura për së gjalli në disa ferma në Vietnam.
Ky xhirim i fshehtë, i bërë në mars dhe prill të vitit 2016, tregon se si kafshët në një fermë vendosen në tavolinë para se t’u prihet koka, transmeton Express.
Më pas, një shufër çeliku u futet në shtyllë kurrizore për t’ua shkatërruar indin nervor.
Kjo praktikë aspak njerëzore njihet si “heqja e palcës” dhe ka për qëllim që t’i bëjë kafshët të palëvizshme, por në video shihet se krokodilët vazhdojnë të lëvizin edhe pse lëkura e tyre është e rrjepur.
Sipas PETA-s, lëkurat e tyre më pas dërgohen në fabrika të lëkurës për t’u shndërruar në çanta, këpucë dhe ora./Express/
https://www.youtube.com/watch?v=Ckdbf3zK0PA
