Këtë mur të ngritur në veri të Mitrovicës, presidenti i vendit po e quan të pa ligjshëm. Për më tepër, Hashim Thaçi po zotohet se për të as nuk do të pranojë të negociohet.
Këto komente lideri shtetëror i bëri në takim me Këshillin Konsultativ për Komunitete në mbledhjen e fundit për këtë vit, transmeton Klan Kosova.
Këtu, përfaqësuesve të pakicave iu kërkoi bashkëpunim më të madh për të lehtësuar procesin e rikthimit të bashkëkombësve të tyre.
Presidenti Thaçi ritheksoi se të gjithë kanë të drejtë të kthehen për të jetuar ku të duan.
Ai vlerësoi se ka ardhur koha që të punohet për të arritur pajtim ndër etnik në të gjithë territorin e Kosovës, pasi sipas tij, kjo është zgjidhja e vetme për të garantuar siguri dhe stabilitet për te gjithë.
