Ka disa muaj që presidenti i Republikës së Kosovës, Hashim Thaçi, ka shpeshtuar vizitat dhe homazhet tek memorialet e serbëve të vrarë gjatë dhe pas luftës, shkruan sot Koha Ditore.
Homazhet nga analistët konsiderohen humane, sikur ato të mos ishin me tendencë për përmirësimin e imazhit të vetë Thaçit jashtë vendit, shkruan sot Koha Ditore. Edhe familjarët e të zhdukurve i kanë kritikuar këto aktivitete të presidentit, duke i quajtur lojë politike.
Në korrik të këtij viti, presidenti Thaçi kishte vendosur lule në memorialin e 14 qytetarëve serbë të vrarë menjëherë pas luftës në fshatin Grackë të Lipjanit. Aktin e vrasjes së tyre e kishte quajtur veprim jo vetëm kundër viktimave, por edhe kundër lirisë së Kosovës dhe të ardhmes së saj.
- Advertisement -
