Burime të Klan Kosovës kanë njoftuar se Aleanca Kosova e Re ia ka ofruar dy drejtori dhe postin e nënkryetarit Lëvizjes Vetëvendosje për të bashkëqeverisur në Mitorvicë.
Sipas këtyre burimeve, Drejtoria e Shëndetësisë dhe ajo e Arsimit do të udhëhiqen nga drejtorë të Vetëvendosjes, dhe po ashtu do të emërohet edhe nënkryetari nga kjo parti politike.
Merret vesh po ashtu se disa drejtori do të vazhdojnë të udhëhiqen nga Lidhja Demokratike e Kosovës, përkundër se koalicioni mes AKR-së dhe LDK-në për bashkëqverisje në Mitrovicë është prishur.
Për këto zhvillime Klan Kosova ka biseduar edhe me kryetarin e Qendrës së Vetëvendosjes në Mitrovicë.
Faruk Mujka bëri të ditur se në parim janë në pajtim që të bashkëqeverisin me AKR-në, porse fillimisht duhet të ketë takime për akordancë finale.
