Njëra ndër qendrat tregtare më të mëdha në Prishtinë, Albi Mall gjatë natës së sotme ka lënë shumë qytetarë në errësirë.
Shumë prej këtyre qytetarëve që gjendeshin në qendrën tregtare kanë mbetur kateve të ndryshme, teksa disa nga ta kanë ngecur edhe në ashensorë, shkruan Indeksonline.
Në disa fotografi të arritura në redaksinë e Indeksonline, vërehet errësirë e madhe në objektin e ‘Albi Mall’ dhe qytetarë të ndryshëm teksa mundohen që disi të dalin jashtë nga objekti. Madje sipas informacioneve shtesë është edhe gjeneratori elektrik i cili është dëmtuar dhe nuk kanë arritur assesi që ende të kthejnë energjinë elektrike në objekt.
