Presidenti rus Vladimir Putin ka thënë se presidenti i sapozgjedhur i Shteteve të Bashkuara të Amerikës Donald Trump ka konfirmuar se është i gatshëm të punojë në normalizimin e marrëdhënieve mes Rusisë dhe Amerikës.
Putin ka deklaruar se nuk ka biseduar me Trumpin rreth asaj se kur dhe ku do të takohen, por ai vuri në dukje se presidentit aktual Barack Obama i ka thënë se është i mirëpritur në Rusi, transmeton Klan Kosova.
“Presidenti i zgjedhur ka konfirmuar se është i gatshëm të punojë në normalizimin e marrëdhënieve ruso-amerikane. Unë ia thashë edhe atij këtë. Ne nuk kemi biseduar rreth asaj se ku dhe kur do të takohemi”, tha kryetari I Rusisë në Lima në fund të punimeve të samitit të Bashkëpunimit Ekonomik të Azi-Paqësorit (APEC).
Putin tha gjithashtu se Obama, gjatë një takimi të dielën në Lima,e falënderoi atë “në punën shumëvjeçare të përbashkët” raporton Reuters, përcjellë Klan Kosova.
“I thashë se do të ishim të lumtur për ta parë atë në Rusi kurdo që ai dëshiron dhe mund të vij”, tha Putin, duke iu referuar Barack Obama.
