Kandidati i Partisë Demokratike për kryetar të Drenasit, Ramiz Lladrovci, ka vazhduar takimet konsultative me qëllim të projektimit të programit të tij qeverisës për Drenasin.
Ai është takuar me qytetarët e Korroticës së Epërme dhe Gllobarit, ku ka shpalosur projektet, që sipas tij, do t’ua përmirësojnë jetën qytetarëve.
Po ashtu, të premten Lladrovci ka pasur edhe një takim me anëtarët e Hendikos-it, i cili sipas tij ishte tejet prekës. Ai tha se mirëqenia dhe punësimi i tyre janë çështje që duan zgjidhje.
Lladrovci është kandidat i PDK-së për të parin e Drenasit, në zgjedhjet që do të mbahen me 4 dhjetor.
- Advertisement -
