Nëna e ambasadores së Kosovës në SHBA, Vlora Çitaku, profesoresha e Fakultetit Filologjik, Sala Ahmeti, për lajmi.net tha se zgjedhjet në Amerikë i ka shikuar me shumë interesim dhe shumë shqetësim. Ajo këtë e thotë nga prizmi se fati i Kosovës ka qenë i ndërlidhur me kontributin e madh të Amerikës.
“Zgjedhjet në Amerikë janë të rëndësishme për krejt botën. Posaçërisht zgjedhjet atje janë të rëndësishme për Kosovën. Sepse fati i shtetndërtimit të Kosovës ka qenë i ndërlidhur me kontributin e madh që ka dhënë Amerika për Kosovën. Besojë se Amerika si fuqi dhe si promovuese e vlerave do të dijë të kanalizojë orientimet dhe misionin që ka për njerëzimin në përgjithësi” , tha profesoresha Ahmeti.
Ndryshe nëna e ambasadores Çitaku, Sala Ahmeti ka qenë deputete e Kuvendit të Kosovës.
Ajo u largua nga politika dhe në atë kohë, Vlora Çitaku u fut në listën zgjedhore të PDK-së dhe arriti të bëhej deputete. /Lajmi.net/
