Andres Iniesta është një idhull për të gjithë, një shembull, një njeri që duartrokitet edhe nga kundërshtarët. Kështu ndodhi edhe mbrëmjen e djeshme në Shkodër teksa u largua nga fusha 13 minuta nga fundi i ndeshjes mes duartrokitjeve.
Një veprim të tillë nuk e ka pritur mesfushori i Barcelonës i cili në fund të takimit ka falënderuar publikun kuqezi.
“Kur isha duke dalë nga fusha, pashë publikun në këmbë që po më duartrokiste. U ndjeva shumë i nderuar nga shqiptarët, pasi ata ishin duke e humbur ndeshjen dhe sërish më përshëndetën. Nuk e prisja një gjë të tillë”, u shpreh Iniesta.
- Advertisement -
