Trajneri i Kosovës, Muharrem Sahiti, ka folur për Telegrafin para ndeshjes me Përfaqësuesen e Kroacisë.
Sahiti ka folur për atmosferën, gjendjen fizike të lojtarëve, por ka refuzuar të flet për mundësitë që lojtarët kanë për të luajtur ndaj Kroacisë.
“Atmosfera është e mirë, lojtarët janë të motivuar maksimalisht, jemi në përfundim të ardhjes së lojtarëve dhe sot do të fillojmë me stërvitjen e parë në ora 15:00. Kemi disa probleme me lëndime, por stafi mjekësor do të na informon për gjendjen e tyre fizike”.
“Lëndimi i Rashicës nuk është edhe serioz dhe mund të jetë i gatshëm, ndërsa Ardian Ismajli nuk mund të jep kontributin e tij në këtë ndeshje, po ashtu edhe Enis Alushi dhe Lorent Sadiku”.
“A ka vend për Arbër Zenelin? As ne nuk e dimë me kë do të startojmë, por ne kemi të bëjmë me një lojtarë të jashtëzakonshëm dhe jemi të nderuar me ardhjen e tij. Sidoqoftë paraqitjet e tij të mira në kampionatin suedez na shtynë të besojmë startojmë me atë, por të gjithë ata që grumbullohen në një mënyrë janë startues dhe gjithë rezervë. Ne shikojmë kundërshtarin dhe përshtatemi me mënyre e tyre të lojës, kemi një konkurrencë jashtëzakonisht të mirë, posaçërisht në fazën sulmuese, prandaj nuk e dimë akoma më kë do fillojmë”.
“Lëndimet e Kroacisë? Ashtu siç kanë ata probleme me lëndime kemi dhe ne, sa janë serioze akoma nuk e dimë, kjo mbete të shikohet para fillimi të lojës. Kemi të bëjmë me dy lojtarë, sidomos Modric dhe Rakitic, të cilët janë truri i skuadrës, por mungesa e tyre sikur do e zbehë fitoren tonë, edhe ne kemi shpresat tona për rezultat pozitiv”, ka thënë Sahiti. /Telegrafi/
