“Puthësi i paligjshëm”, është libri i shkrimtarit Azem Deliu, i cili ishte një nga pesë librat më të shitur në Panairin e Librit “Prishtina 2016”.
Pas suksesit të këtij libri, ai do të botohet edhe në gjuhën angleze. Autori i “Puthësi i Paligjshëm” ka bërë të ditur se ka kontraktuar shtëpinë botuese Novum Publishing në Londër e cila do ta botojë librin në anglisht. Deri sa, përkthimi është bërë nga Ermal Vaso.
Për këtë, Deliu ka thënë se pret që e ardhmja e shkrimtarëve të Kosovës të lehtë dhe letërsia shqipe të jetë më prezentë në skenën ndërkombëtare të letërsisë.
“Jam shumë i lumtur me këtë mundësi për ndërkombëtarizimin e letërsisë sime. Shpresoj që kjo rrugë në të ardhmen të jetë më e lehtë për shkrimtarët e rinj dhe Kosova të jetë çdoherë e më prezente në skenën ndërkombëtare të letërsisë”, është shprehur Deliu për Indeksonline.
Azem Deliu është lindur në Rezallë të Skenderajt. Ai ishte avanuar në shkollën e mesme duke shkuar në fakultet një vit para kohe. Shkrimtari pas një viti në Degën e Letërsisë në Universitetin e Prishtinës është dekoruar me çmimin “Student i dalluar”.
Para “Puthësit të paligjshëm”, ai ka botuar te Shtepia botuese Onufri edhe vellimin poetik “Funerali i shiut” ne vitin 2013 si 17 vjeçar.
Profili e tij ne shtypin francez, mbyllet me fjalet “Sidoqoftë, me Deliun, Kosova duket se e ka yllin e ri të letërsisë europiane”./Indeksonline/
