Më rastin e fillimit të vitit të ri shkollor 2016/2017, kryetari i Komunës së Drenasit, z. Nexhat Demaku ka uruar të gjithë nxënësit, prindërit dhe mësimdhënësit, duke ju dëshiruar nxënësve suksese dhe cilësi në mësimnxëneje.
Të henën edhe zyrtarisht ka filluar procesi mësimor në shkollat e Komunës së Drenasit dhe sipas të dhënave të Drejtorisë Komunale të Arsimit, në 37 objekte shkollore ka filluar mësimi, ndërsa në shkollën fillore të mesme të ulët “Luigj Gurakuqi” në Sankoc, nuk ka filluar mësimi dhe është shtyer për dhjet ditë për shkak të renovimit të objektit. Më fillimin e vitit të ri shkollor 2016/2017, rreth 15 mijë nxënës të Komunës së Drenasit janë ulur në bankat shkollore në gjithsejt 38 objekte arsimore, në dy shkolla të mesme, 3 çerdhe publike dhe 34 të tjera shkolla fillore. Drejtori i Arsimit, z. Sadik Tahiraj ka inspektuar të gjitha shkollat dhe ka uruar nxënësit për fillimin e vitit të ri shkollor.
