Zëdhënësi i QKUK-së, Shpend Fazliu, e ka konfirmuar për Insajderin se njëri nga dy të plagosurit te ‘Parku i Qytetit’ sot në Prishtinë, ka vdekur.
Pavarësisht përpjekjeve të mëdha të mjekëve për ta shpëtuar, Fazliu ka thënë se kjo nuk është arritur.
I vdekuri është i lindur në vitin 1994.
Kurse i plagosuri tjetër A. G., tash për tash, thotë Fazliu, është në sallën e operimit në gjendje shumë të rëndë.
Sipas tij, janë angazhuar i gjithë stafi mjekësor për ta shpëtuar/Insajderi.com
Të plagosurit të ‘Parku i Qytetit’, në rrezik për jetë
Zëdhënësi i QKUK-së, Shpend Fazliu, i ka thënë Express-it se gjendja e dy të plagosurve para pak kohe te ‘Parku i Qytetit’, janë në gjendje të rëndë shëndetësore.
Fazliu ka thënë se të dytë i janë nënshtruar ndërhyrjeve kirurgjike dhe janë në rrezik për jetë.
Po ashtu, Express merr vesh se njëri nga të plagosurit është Eron Agaj, i njohur si “Cuci”, anëtar i grupit të tifozëve “Plisat”.
Dy të plagosur me armë zjarri te Parku i Qytetit në Prishtinë
Një gjuajtje me armë ka ndodhur para pak minutash tek parku i qytetit në Prishtinë. Një qytetar i ri në moshë ka shtënë me armë në drejtim të një qytetari tjetër derisa ai po kalonte me skuter, shkruan Gazeta Fjala.
I sulmuari nuk dihet nëse i ka mbijetuar sulmit, ndërsa është dërguar në spital me një taksi.
Ende nuk dihen motivet e sulmit. Sulmuesi ka ikur, derisa policia ka mbërritur në vendin e ngjarjes.
Policia e Kosovës e ka konfirmuar rastin se dy persona janë plagosur me armë zjarri tek Parku i Qytetit.
“Rreth orës 12:00 të pasdites ka ndodhur plagosja. Dy persona janë dërguar për tretman në QKUK”, ka thënë për Gazetën Fjala zëdhënësja e policisë së Kosovës për rajonin e Prishtinës Florie Ahmeti.
