Hetuesit policorë të stacionit policor ,,Jugu” në Mitrovicë, si rezultat i hetimit të suksesshëm dhe bashkëpunimit të afërt me qytetarë, në orët e mbrëmjes, të datës 23 gusht 2016, arrijnë të identifikojnë dhe arrestojnë të dyshuarin F. B., 43- vjeçar me banim në Podujevë, për rastin ,,Mashtrim’’, rast i cili është raportuar me datën 16.08.2016.
Pas hetimeve të bëra nga hetuesit policorë në kërkim të informatave për të dyshuarin në fjalë, rezultuan me zbulimin e identitetit dhe arrestimin e të njëjtit, mbi dyshimet e arsyeshme se i dyshuari kishte arritur që të mashtronte ankuesin (viktimën).
Pas procedurave intervistuese, të dyshuarit të arrestuar F. B., 43 vjeçar, me vendim të prokurorit të çështjes i është caktuar masa e ndalimit policor për 48 orë.
Ndaj të dyshuarit është iniciuar lënda penale “Mashtrim’’./lajmi.net
