Shqiptarët e Plavës e Gucisë do të lidhen së shpejti me një rrugë të shkurtër me Shqipërinë, pikërisht përmes pikëkalimit të Vermoshit.
Ndërkohë që edhe izolimit dhjetëravjeçar të afro 6.400 banorëve të Njësisë administrative Kelmend të Bashkisë Shkodër që po mahnit shqiptarë e të huaj me bukurinë natyrore, po i vjen fundi, shkruan sot Koha Ditore.
Në mes të tetorit pritet të përfundojë ndërtimi dhe asfaltimi i rrugës Tamarë-Vermosh, 30 kilometra e gjatë përmes së cilës kufiri më i largët shqiptar me Malin e Zi do të kthehet në një nga investimet infrastrukturore bashkëkohore dhe me cilësi të lartë, pavarësisht terrenit mjaft të vështirë. Lajmin për përfundimin e rrugës Tamarë-Vermosh në muajin tetor e ka bërë të ditur presidenti i firmës sipërmarrëse “Riviera” Dritan Çela.
Kjo firmë po kryen punimet pas një financimi prej 7.2 milionë eurosh të Kfw gjermane, Fondit të Zhvillimit Shqiptar dhe IPA 2009, në kuadër të Programit të Rrugëve Dytësore dhe Lokale.
