Institucionet shëndetësore iu bëjnë thirrje banorëve nga zonat e përmbytura që të mos konsumojnë ujë nga çezmat dhe të njëjtin të mos e përdorin as gatim. Përmes këtij apeli, mjekët tentojnë të parandalojnë infeksionet eventuale apo paraqitjen e ndonjë epidemie si pasojë e vërshimeve.
Instituti i Shëndetit Publik ka bërë analizat dhe është në pritje të rezultateve për cilësinë e ujit të pijshëm.
Përfaqësuesit e këtij Instituti thonë se deri më tani nuk ka prova për paraqitjen e epidemive. Dezinfektimi I rrugëve dhe zonave më të goditura pritet të bëhet gjatë ditëve të ardhshme, pas pastrimit të tërësishëm të zonave të përmbytura. Qytetarët këshillohen që të bëjnë kujdes dhe gjatë pastrimit të shtëpive të tyre, të përdorin doreza , çizme gome , syzë mbrojtëse dhe maska në fytyrë. Përfaqësuesit e institucioneve shëndetësore thonë se kafshët e ngordhura mund të bartin sëmundje të rënda infektive, prandaj i bëjnë thirrje banorëve që të njëjtat të mos i largojnë vetë, por të ftojnë veterinerët për të bërë një gjë të tillë./alsat-m/
