Ministri i Brendshëm Skender Hyseni dhe drejtori i Policisë Shpend Maxhuni vendosën kurora lulesh te lapidari i Enver Zymberit, në kompleksin e Drejtorisë së Përgjithshme të Policisë.
Ministri i Punëve të Brendshme, Skender Hyseni dhe drejtori i përgjithshëm i Policisë së Kosovës, Shpend Maxhuni, kanë vendosur kurora me lule te lapidari i heroit të Kosovës Enver Zymberi, në kompleksin e Drejtorisë së Përgjithshme të Policisë, në Prishtinë.
Më pas, ministri Hyseni dhe drejtori Maxhuni janë nisur drejt Dubovcit të Vushtrrisë për të bërë homazhe te varri i heroit, e më pas do ta vizitojnë familjen e tij.
Polici Enver Zymberi është vrarë më 25 korrik të vitit 2011 në një operacion policor për të kthyer nën kontrollin e shtetit të Kosovës pikat kufitare me Serbinë në veri të vendit.
Për vrasjen e policit të njësive speciale janë akuzuar gjashtë persona. Katër prej tyre janë përballur me aktakuzë, ndërsa dy të tjerë vazhdojnë të jenë në arrati. /kallxo.com/
