Tifozeria e Drenicës, ‘Shqiponjat e Zeza’ kanë reaguar fuqishëm ndaj kryesinë e klubit e cila nuk po interesohet për futbollistin e saj më cilësore, mesfushorin Taulant Dajaku, transmeton Drenicapress.
Reagim origjinal i dërguar:
“Ne “Shqiponjat e Zeza” iu bëjmë thirrje kryesisë së klubit, që të analizojnë më mirë veprimet e tyre. Është e papranueshme që kjo kryesi nuk po mendon fare për futbollistin tonë drenicas, Taulant Dajaku, por po u bëjnë oferta futbollistëve tjerë. Duhet pasur parasysh që Dajaku ishte lojtar kyç në stinorin e kaluar. Ne nuk jemi që skuadra të mos përforcohet, por së pari duhet rinovuar kontratën më Taulant Dajakun, e më pas mund të përforcoheni më futbollistë tjerë. S’ka efekt në rast se ju e lejoni një futbollist aq cilësor siç është Taulant Dajaku të largohet nga klubi, kurse te merret një futbollistë tjetër. Iu bëjmë apel kryesisë që sa më shpejt t’ia vazhdojnë kontratën Dajakut e më pas të marrin përforcime”, thuhet në reagimin e tifozerisë.
