Një vajzë e moshës 2 vjeçare nga fshati Bellopojë e Podujevës ka ndërruar jetë dje derisa po lahej në një bazen në oborrin e shtëpisë së saj.
Këtë e ka konfirmuar për Indeksonline zëdhënësja e Policisë në Podujevë, Antigona Çitakun, e cila ka thënë se vajza është mbytur aksidentalisht.
“Dje në ora 17:55 është raportuar një rast në Qendrën Klinike Universitare në Prishtinë për trupin e pajetë të një fëmije të gjinisë femërore dy vjeçare. Sipas informatave të para, ajo është mbytur aksidentalisht në një bazen gome të vendosur në oborrin e shtëpisë së saj”, ka thënë ajo, transmeton Indeksonline.
Sipas Çitakut, vajza është sjell në QKUK është në ora 17:20, ku mjekët e kanë konfirmuar vdekjen e saj.
- Advertisement -
