Analistit Driton Selmanaj, i punësohet gruaja tek zv.kryeministri i Kosovës (Foto)

Gati i pat mbetë në qafë Fatmir Limajt, kur e identifikoi atë si njeri të LDK-së gjatë një debati në emisionin Clik. I prezantuar si analist i pavarur, Driton Selmanaj, assesi nuk dëshironte që dikush ta shoh atë si njeri partiak në një debat ku kryesisht diskutohet për keqqeverisjen.

Mohoi pretendimet e asaj nate të Fatmir Limajt, dhe vazhdoi i qetë analizat e tij të “pavarura” gati çdo mbrëmje në Televizionin 21, shkruan Magazina.al

Por akuza e liderit të Nismës bërë Selamajt kishte bazë. Analisti i shumë çështjeve duket se më të vërtetë ka afërsi me partinë e Isa Mustafës. Magazina.al merr vesh se bashkëshortja e tij, Teuta Selmanaj, është pranuar ne punë në Ministrinë e Kulturës, si zyrtare  për çëshjte ligjore. Informacionet e Magazines i ka mbështetur edhe vet zonja Selmanaj, e cila në llogarinë e saj në Facebook, ka njoftuar se ka filluar punën në ministrinë që udhëhiqet nga Kujtim Shala, ministër i Kulturës dhe zv.kryeministër i Kosovës.

Pra, bashkëshortja punon tek zv.kryeministri i Kosovës, kurse Selmanaj apolitik, bënë analiza në television; analiza të pavarura. /Magazina.al