Mbi 1 mijë maturantë të Skenderajt po i nënshtrohen Testit të Maturës në 6 Qendra të Testimit në qytetin e Skenderajt.
Më këtë rast Nënkryetari i Komunës së Skenderajt Fadil Nura i shoqëruar nga u.d. i Sekretarit të Ministrisë së Arsimit Alush Istogu dhe Drejtori i Arsimit Bekim Latifi, kanë vizituar Qendrat e Testimi ku kanë parë nga afër mbarëvajtjen e këtij procesi.
Nënkryetari Nura u ka uruar sukses maturantëve në Testin e Maturës . Ai po ashtu ka takuar edhe menagjerët e Qendrave të Testimit dhe monitoruesit e këtij procesi të angazhuar nga Ministria e Arsimit.
Sipas raportimeve të monitoruesve të MASHT-it dhe DKA-së, Testi i Maturës në Skenderaj është duke u realizuar pa asnjë parregullsi të evidentuar.
Sot po mbahet pjesa e parë e Testit të Maturës, ndërsa pjesa e dytë do të mbahet më 18 qershor.
