Sot të gjithë në stadiumin ‘Riza Lushta’ në Mitrovicë, kështu bëjnë thirrje Shqiponjat e Zeza që tëjenë në numër sa më masiv, për të përkrahur Drenicën në ndeshjen e barazhit, ndaj Dukagjinit. “Shqiponjat e Zeza” janë bërë gati dhe do të udhëtojmë më 5 autobus drejt Mitrovicës, trnasmeton Drenica Press.
Grumbullimi bëhet të mërkurën në ora 13:30 tek Sheshi ‘Adem Jashari’. Ju që e ndjeni veten drenicak dhe juve që ju rrah zemra fort për ngjyrat kuq e zi dhe për fanelën kuq e zi, e mbi të gjitha që ju rreh zemra për qytetin e Skenderajt, ejani, lërini të gjitha gjërat tjerat anash. Ta ‘pushtojmë’ Mitrovicën edhe t’iu tregojmë të gjithëve se Drenica e meriton një vend në elitën e futbollit kosovar. Një përkrahje e fuqishme i duhet skuadres për ne kjo ndeshje është finale, andaj eja mos hezito, merr me vete familjarët dhe miqtë, sa më shumë të jemi aq më e madhe do të jetë përkrahja për klubin tonë, përfundon deklarata e tifozerisë drenicase./drenicapress/
