Një e moshuar 80-vjeçare ka trokitur në redaksinë e emisionit investigativ “Stop” për të denoncuar problemin e saj. Të moshuarën Pashke Ndrelala, e ka nxjerrë nusja nga shtëpia.
E pyetur nga gazetarja e emisionit “Stop”, e moshuara ka thënë se “djali dhe nusja e tij e kanë torturuar, rrahur dhe e kanë mbyllur me çelës. Më pas e kanë nxjerrë nga shtëpia”. Ngjarja ka ndodhur më 3 prill, ndërsa në 4 prill ajo është nxjerrë nga shtëpia.
“Të dalë nëna 80 vjeçe në rrugë, është gjë e fortë”, ka thënë Pashke Ndrelala. Ajo jetonte aty prej 11 vitesh dhe thotë se prej dy muajsh ka fjetur derë më derë.
Ndërkohë vajza e 80-vjeçares ka thënë nuk është hera e parë që nusja (kunata e saj) e ka rrahur të moshuarën. Ajo thotë se e merr të ëmën, por nuk ka vend në shtëpi, pasi ka një fëmijë 19 vjeç invalid dhe se ajo këmbëngul që do shtëpinë e saj, shtratin e saj.
Mjerisht e moshuara, bashkë me gazetaren ngjitet tek shtëpia e djalit, por pas disa trokitjeve dera nuk hapet.
