Ndonëse dita e sotme po shoqërohet me vranësira dhe reshja të kohë pas kohëshme me shi, një pjesë e qytetarëve të Kosovës sot do të protestojnë, ndërsa një pjesë tjetër do të festojnë.
Partitë AAK dhe NISMA Për Kosovën ka kohë që kanë paralajmëruar një protestë për ditën e sotme kundër Qeverisë së Kosovës, protestë kjo e cila u bojkotua nga subjekti opozitar Lëvizja Vetëvendosje.
Të dy partitë opozitar: Aleanca dhe Nisma kanë paralajmëruar se protesta e sotme do të jetë më e madhja deri me tani, duke shprehur kështu pakënaqësitë kundër Demarkacionit me Malin e Zi dhe kundër Asociacionit të Komunave Serbe. Kjo protestë filloi nga ora 14:00, ndërkohë bëhet e ditur se autobusë dhe makina të shumta kanë mbërritur në Prishtinë nga qytete të ndryshme të Kosovës.
Derisa në Prishtinë do të protestohet, dita e sotme për drenicasit do të jetë ditë gëzimi dhe feste, dy ekipet e drenicasve: KF Feronikeli dhe KF Drenica do të zhvillojë takimin e radhës së Raifaisen Super Ligës së Kosovës në Futboll. Në qytetin e Drenasit, KF Feronikeli do të organizoj ceremonin festive për shpalljen e saj kampion i Kosovës në futboll 2015/16, si dhe pranimin e Kosovës në FIFA. /Drenica Press/