Kryetari i Aleancës për Ardhmërinë e Kosovës Ramush Haradinaj ka thënë se Demarkacioni me Malin e Zi duhet të korrigjohet, në të kundërtën asnjëherë nuk do të ketë ratifikim.
Në një intervistë për RTK-në, Haradinaj tha se tashmë dihet se kufiri është në Çakorr, dhe se kryeministri Isa Mustafa dhe ministrat e tij po gënjejnë.
Haradinaj tha se nëse ndodhë e kundërta kjo qeveri do të marrë përgjegjësi për këtë.
“ ’Kadal beg se ka hendek’ por në këtë temë kanë me u ngul keq nëse do të vazhdojnë me këtë insistim”, tha Haradinaj.
Ai tha se nuk ka asnjë diskutim në lidhje me shenjëzimin e kufirit por qeveria sipas tij duhet ta pranojnë gabimin që kanë bërë.
Haradinaj po ashtu tha se Qeveria nuk duhet që për një gabim të tyre ta rrezikojnë liberalizimin e qytetarëve të Kosovës.
Në këtë intervistë Haradinaj ka folur edhe për protestën e 14 majit, mos pajtimet me Vetëvendosjen, si dhe për aksionet e sotme të Policisë së Kosovës.
Haradinaj është pyetur edhe për takimin e përfolur me presidentin Hashi m Thaçi, dje, gjatë organizimit të një ndeje nga zyra e BE-së me rastin e ardhjes në Kosovë të kryediplomates Federica Mogherini.