Gazetari dhe publicisti, Adriatik Kelmendi, vlerëson se bojkotimi i seancës së MSA-së, është e njejtë sikur të bojkotohej seanca për shpalljen e Pavarësisë.
“Bojkotimi i seancës së MSA-së për shkak se ajo nuk është e njëjtë si e shteteve të tjera, i bie sikur të bojkotohej seanca e shpalljes së pavarësisë së Kosovës për shkak se nuk ishte me bekimin e OKB-së.”, ka shkruar Kelmendi në Facebook.
Klemendi thotë se “Në të dyja rastet, kjo do të ishte një huqje e madhe historike, me të cilën Kosova do të humbte shumë dhe askush nuk do të fitonte. As pushteti e as opozita”.
Kelmendi megjithatë thotë se për këtë arsye, opozita e bashkuar me pjesëmarrje në seancë ka treguar pjekuri të madhe politike, por ka shtuar se MSA-ja nuk është më e mira dhe se ndoshta mund të negociohej më mirë, ndërkaq është absolutisht i bindur se MSA-ja duhet të miratohet.
