Shefi i Zyrës së Bashkimit Evropian në Kosovë, Samuel Zhbogar, ka thënë se nënshkrimi i Marrëveshjes së Stabilizim Asocimit është i rëndësishëm, pasi ka për qëllim bashkëpunimin në mes të Kosovës dhe BE-së.
Gjatë takimit me Komisionin për Integrime Evropian, Zhbogar ka deklaruar se MSA-ja pritet të nënshkruhet gjatë verës, ndërsa do të hyjë në fuqi në fillim të 2016-së. Në këtë kontekst ai ka thënë se Kosova është në vëmendjen e BE-së.
Zhbogar, ka folur edhe për procesin e liberalizimit të vizave, duke thënë se ky proces ka qenë më i vështir për Kosovën se sa për vendet e tjera. “Për popullin e Kosovës liberalizimi i vizave është gjeja më e rëndësishme, por vala e madhe e migrimit të qytetarëve të Kosovës nuk ka qenë rezultat i mungesës së vizave.
Mirëpo, është e vërtet se procesi i liberalizimit të vizave ka qenë më i vështirë për Kosovën se sa për vendet e tjera, por shpresoj që ky proces të përfundoj sa më shpejtë”, ka theksuar Zhbogar, duke shtuar se migrimi ilegal i qytetarëve të Kosovës drejt vendeve të BE-së ka reflektuar negativisht në liberalizim të vizave.
- Advertisement -
