Sot bëhen 20 vjet nga masakra e Rezallës, ku nga ushtria dhe policia serbe u ekzekutuan 98 shqiptarë, banorë të Rezallës dhe fshatrave përreth, nga të cilët 44 ishin të zhdukur.
Më 5 prill të vitit 1999 serbët rrethuan shtëpitë e këtyre familjeve dhe pushkatuan pothuajse të gjithë, kryesisht burra e djem të rinj.
Kjo masakër konsiderohet si një ndër masakrat më të pamëshirshme gjatë konfliktit në Kosovë.
Nga masakra e Rezallës vetëm tre kanë shpëtuar të gjallë.
Në kujtim të të rënëve nga kjo masakër, sot prej orës 09:00 krerët më të lartë të vendit do të bëjnë homazhe Kompleksi Memorial i Dëshmorëve në Rezallë.
Ndërsa, prej orës 12:30 nën patronatin e presidentit Hashim Thaçi mbahet akademi përkujtimore në Teatrin Kombëtar të Kosovës.
- Advertisement -
