Kryetari i Nismës Socialdemokrate, njëherësh zëvendëskryeministër i Kosovës, Fatmir Limaj, ka shprehur ngushëllimet e tij për familjen Demaçi për vdekjen e veprimtarit të shquar shqiptar.
Baca Adem, siç shkruan Limaj, ishte dhe mbetet frymëzuesi më i mirë për djemtë dhe vajzat e reja që duan ta nderojnë vendin dhe kombin e vet.
“I trishtë lajmi për vdekjen e njeriut të sakrificës dhe rezistencës kombëtare, Adem Demaci, që ne me dashuri dhe respekt e tirrnim baca Adem. Do ta kujtojmë gjithmonë rezistencën dhe sakrificën tënde për vendin, popullin dhe kombin shqiptar. Baca Adem kishte një jetë plot sfida e sakrifica për kombin shqipëtar. Baca Adem dhuroi shumë për lirinë dhe pavarësinë e Republikës së Kosovës. Baca Adem do të jetë pjesë e historisë së kombit shqiptar. Ngushëllime familjës, bashkëveprimtarëve dhe gjithë kombit!”, thuhet ndër të tjera në ngushëllimin e Limajt.
- Advertisement -
