Cristiano Ronaldo shënoi gol dhe u përjashtua në El Clasicon e mbrëmshme ndaj Barcelonës
Ylli i Real Madridit, Cristiano Ronaldo, është i rrezikuar që të dënohet me 12 ndeshje, pas shtyrjes që i bëri gjyqtarit në ndeshjen ndaj Barcelonës.
Portugezi mbrëmë u ndëshkua me dy kartonë të verdhë, për t’u përjashtuar më pas me karton të kuq.
Fillimisht portugezi u ndëshkua me të verdhë pasi hoqi fanellën pas golit të bukur të shënuar ndaj Barcelonës, ndërsa më pas për shkak të simulimit në zonë, çka nuk i pëlqeu portugezit.
Ai pasi mori karton të kuq, e shtyu lehtas gjyqtarin në krah, duke u larguar më pas nga fusha.
Por, ky veprim mund t’i kushtojë atij me 12 ndeshje moslojë, sepse rastet e tilla dënohen ashpër në Spanjë, pasi këtë veprim e kishte paraqitur në raport edhe gjyqtari Ricardo de Burgos Bengoetxea.
Sipas Artikullit 96 të rregullores së Federatës spanjolle, dhuna ndaj gjyqtarit dënohet nga 4 deri në 12 ndeshje.
Ronaldo kështu ka humbur ndeshjen e kthimit ndaj Barcelonës, e cila do të zhvillohet më 16 gusht në Santiago Bernabeu. /Express/
