Përfaqësues i PDK’së në Skenderaj, Ramiz Shala, e ka kritikuar pak strukturën e partisë, duke i thënë Hoxhajt, Kuqit e Beqajt që të shkojnë në komunat e tyre të punojnë dhe më pas të vijnë e të mbajnë ligjërata.
Ai ka kërkuar nga Ministri Hoxhaj që të kthehet në Suharekë dhe ta fitojë këtë vend.
“Duhet me shku ne Suharekë me bo një kryetar të fortë, me i fitu zgjedhjet dhe më pas më na mbajtë ligjërata”.
Shala të njëjtin mesazh ia ka dhënë edhe Adem Grabovcit, Hajredin Kuqit dhe Xhavit Halitit.
“Shkoni në Pjesë fitojeni qytetin dhe më pas hajdeni e na mbani ligjërata”
Ndërsa Hajdar Beqajt dhe Besim Beqajt i ka thënë se duhet të kthehet në Gjakovë të punojë më shumë.
Ai mes tjerash ka thënë se dega e Skenderajt nuk do të vazhdojë të jetë “dega e përkëdhelur e partisë”.
“E kemi toleru Thaçin por nuk do të ju tolerojmë juve. Dega e Skenderajt nuk do të jetë degë e përkëdheljes sepse ne ju kemi bo voto dhe ministrat i keni bo të tjerët”- ka thënë Shala./GazetaExpress/
