Skënderbeu s’do të marrë pjesë për një vit në Kupat e Europës.
Është ky vendimi që UEFA ka marrë dhe ia ka komunikuar klubit korçar, në pritje për ta bërë zyrtare. Praktikisht, konfirmohet ajo që “Rrjeta” ka thënë prej kohësh, pra që Skënderbeu do të dënohej me pezullim nga kompeticionet evropiane dhe do të kishte shumë shpresa për në CAS.
“Po, jemi dënuar për mospjesëmarrje. Tani jemi duke bërë letrat për CAS, sepse koha është e shkurtër”, konfirmon Ardian Takaj, presidenti i klubit kampion për gazetën “Sport Ekspres”, i cili megjithatë është shfaqur tepër i qetë dhe s’bën asnjë dramë, pasi beson te fitorja në CAS.