Organizatori i Kampionatit Evropian të xhudos, Rusia, nuk ka lëshuar pe, duke vendosur që garuesit nga Kosova të mos paraqiten me simbole shtetërore në Evropianin që do të mbahet në Kazan nga 21 deri më 24 prill, shkruan Zëri.
Kjo e kishte detyruar trajnerin Driton Kuka që të mendojë ta tërheq ekipin nga ky eveniment, por pas këshillave dhe sugjerimeve që mori ‘nga lart’, megjithatë “Zëri” mëson se në fund është vendosur që Majlinda Kelmendi, Nora Gjakova, Distria Krasniqi dhe Akil Gjakova, të marrin pjesë në Evropian me flamurin e Federatës Ndërkombëtare të Xhudos (IJF), duke shpresuar që kjo do të jetë hera e fundit që e bëjnë një gjë të tillë. /Zëri/
- Advertisement -
