Presidenti i Romës, James Pallotta, ka konfirmuar që Roma ka gjetur trajnerin e ri.
Megjithatë, ai nuk e ka përmendur emrin e teknikut të ri verdhekuq.
“E kemi gjetur trajnerin e ri dhe kemi arritur marrëveshje me të, por tani na duhet të gjejmë një akord edhe me klubin e tij aktual. Kemi një drejtor sportiv fantastik si Monchi, që di të ndërtojë skuadër të fortë”, deklaroi Pallotta.
“Spalletti? Interi ka bërë shumë mirë që e ka marrë Lucianon. Ata kanë bërë një hap përpara. Ai është një trajner që e di se çfarë duhet të bëjë për të pasur sukses në Serie A”, shtoi Pallotta.
- Advertisement -
