Zinedine Zidane u shfaq përpara mediave në prag të sfidës ndaj Atletico Madrid në Vicente Calderon për të analizuar se si vjen skuadra e tij në këtë derbi, gjendjen e lojtarëve të dëmtuar dhe planin për t’i mposhtur Colchonerot.
Si arrinë Real Madridi në këtë sfidë: ”Vijmë mirë, kemi rikuperuar lojtarët, kemi disa probleme, por jemi të fokusuar në atë që na pret. Kemi patur pak ditë për të punuar, por jemi gati.”
Gjendja e Benzemas: ”Karim ndodhet në listë, është me ne dhe tashmë është mirë. Do e shohim nesër, ndodhet në listë dhe mund të luaje nga fillimi pa problem.”
Dëmtimi i Moratas: ”Janë gjëra që ndodhin, nuk do të fajësoj askënd, është e vërtetë që jemi të tronditur nga dëmtimi i Alvaros, por mund të ndodhë. Këtë nuk mund t’a ndryshojmë, ndodh nganjëherë. Shpresojmë që të mos ketë probleme të tilla. E rëndësishme është të rikuperohemi sa më parë. ËShtë e lehtë tani të flasësh për këtë, nuk e di se si ndodhi, për më tepër, nuk jam mjek. Të gjithë personat që ndodhen atje janë kompetent. Ai është i shqetësuar, unë poashtu dhe të gjithë tek kombëtarja, por janë gjëra që ndodhin.”
Plani: ”Sistemi nuk do të thotë asgjë, por ideja që kemi është një, ajo që duam është të luajmë. I dimë vështirësitë e ndeshjes, kemi një rival shumë të mirë, por ne nuk do të ndryshojmë. Ka lojtarë që do të ndryshojnë, por ideja jonë për futbollin do të mbetet e njëjta.”
Humbja në derbin e vitit të kaluar: ”Ajo që kemi bërë është një analizë e mirë e rivalit, me tentimin për t’a goditur, sepse edhe ata na njohin shumë mirë. Është një ndeshje shumë e bukur për t’u luajtur, humbja dhemb gjithmonë, por unë nuk po mendoj për atë ndeshje. Nesër do të japim maksimumin për të fituar.”
Casemiro dhe Kroos: ”Kroos ka një dëmtim që do e mbaje larg fushave ndërsa Casemiro akoma nuk është gati për t’u rikthyer. Do të shohim javën e ardhshme nëse ai mund të stërvitet me ne.”
Ambienti përpara derbit: ”Nuk kemi fituar asgjë, kemi bërë gjëra të mira dhe dëshirojmë të vazhdojmë kështu. Është një derbi dhe për atë që i pëlqen futbolli është një ndeshje e mirë. Ajo që duam është të vazhdojmë të bëjmë një punë të mirë. Sot do të flemë mirë.”/rmshqip/
