Familja Berisha nga fshati Gurbardh i Malishevës, që 58 orë nuk e di vendndodhjen e kryefamiljarit të tyre, Muharremit. I gjithë fshati është mobilizuar në kërkim të tij, por ata gjetën vetëm karrocën në drejtim të malit, me të cilin ishte nisur Muharremi për të marrë dru.
Azemi, vëllai i Muharremit, tha për Gazetën Express se ai vuante edhe nga harresa.
“Të gjithë po e kërkojmë nëpër fshat por vetëm karrocën me të cilin ishte nisur për të marrë dru e kemi gjetur”, thotë Azemi.
Familjarët e kanë raportuar të zhdukur Muharremin në polici. Zyrtarë nga Policia e Kosovës kanë bërë me dije se janë në kërkim të tij.
“Rasti u hap, familjarët e kanë raportuar të zhdukur dhe policia është në kërkim të tij”, tha policia për Gazetën Express.
Vëllai i Muharremit, Azemi tha se kohëve të fundit ai merrej më shumë me punë të shtëpisë. Ai ka disa fëmijë dhe familjarët po e presin në shtëpi.
Familjarët e Muharremit kanë kërkuar se kushdo që ka informata për vendndodhjen e tij të paraqitet në numrat e mëposhtëm: 044 229 759 dhe 045 985 158.
