Në Shqipëri po zhvillohen sot zgjedhjet e pjesshme vendore në pesë bashki: Vlorë, Berat, Cërrik, Mat dhe Tepelenë, ndërsa sipas të dhënave zyrtare të Komisionit Qendror të Zgjedhjeve (KQZ), deri në orën 15:00 pjesëmarrja e përgjithshme në votime ka qenë 16.08%.
Sipas KQZ-së, pjesëmarrja paraqitet e ndryshme nga një bashki në tjetrën:
Vlorë: nga 231 qendra votimi janë raportuar 69, ku kanë votuar 5,582 zgjedhës nga 52,244 në listë, ose 10.68%.
Berat: nga 116 qendra janë raportuar 33, me 3,998 votues nga 23,933 gjithsej, që përbën 16.7%.
Cërrik: nga 57 qendra janë raportuar 10, me 1,524 votues nga 7,125 në listë, që përfaqëson 21.39%.
Mat: nga 47 qendra janë raportuar 15, me 3,278 votues nga 9,280 zgjedhës, me 35.32% pjesëmarrje – më e larta ndër pesë bashkitë.
Tepelenë: nga 21 qendra janë raportuar 7, me 1,151 votues nga 4,005 në listë, ose 28.74%.
Procesi i votimit, sipas KQZ-së, po zhvillohet normalisht në të gjitha qendrat e votimit.
