Zëvendësministri i Forcës së Sigurisë, Burim Ramadani, ka thënë se taksa 100 për qind ndaj Serbisë dhe Bosnjë e Hercegovinës nuk është vënë që të hiqet. Ai ka shtuar se njohja e pavarësisë së Kosovës nga Serbia, hap mundësinë për të diskutuar dhe jo anasjelltas.
Këto komente, Ramadani i ka bërë në profilin e tij në ‘Facebook”, pas premtimeve të dhëna nga presidenti i Kosovës, Hashim Thaçi, që nëse Serbia e njeh pavarësinë e Kosovës ka mundësi të hiqet taksa 100 për qind.
Shkrimi i plotë i Burim Ramandanit:
Taksa 100 për qind nuk është vënë për t’u hequr pa ndryshuar plotësisht rrethanat. Njohja e Serbisë për shtetin e Kosovës, sipas 17 shkurtit 2008, hap mundësinë për të diskutuar, jo anasjelltas.
Siguria Kombëtare nuk vihet në kalkulime.
- Advertisement -
