Zëvendëskryeministri i Kosovës, Dardan Gashi dhe kryetari i Partisë Progresive Serbe, Nenad Rashiq, kanë drekuar bashkë pas daljes së Listës Serbe nga qeveria e Kosovës, pasi u arrestua politikani Marko Gjuriq, për shkak të hyrjes ilegale në veri.
Gashi e Rashiq kanë drekuar së bashku në Graçanicë, mëson lajmi.net, dhe temë diskutimi ka qenë zhvillimet e fundit politike në vend në mes Kosovës dhe Serbisë.
Lista Serbe u tërhoq nga qeveria e Kosovës, për shkak të arrestimit të Marko Gjuriqit, që hyri në Kosovë pa leje. Mirëpo takimet e Gashit me Rashiqin mund të jenë sinjale, që bashkëpunimi po kthehet kah pjesa e politikanëve serb që janë më konstruktiv dhe i njohin institucionet e Kosovës.
- Advertisement -
