Kandidatja e PDK-së me numër 12 u mirëprit sot në kompaninë RC Cola, një nga historitë më të suksesshme të biznesit vendor në Kosovë. E themeluar në vitin 2002, RC Cola sot me krenari punëson rreth 190 punëtorë, duke dëshmuar se puna e ndershme, vizioni afatgjatë dhe këmbëngulja janë themelet e një ekonomie të fortë dhe të qëndrueshme, shkruan Drenica Press.
Gjatë vizitës, së bashku me drejtorin Fejzullah Mustafa dhe ekipin e tij, u pa nga afër fuqia e prodhimit vendor dhe kontributi i madh që ky biznes jep për zhvillimin ekonomik dhe punësimin në vend. RC Cola mbetet një shembull konkret se si bizneset kosovare e mbajnë gjallë ekonominë dhe shpresën për të ardhmen.
Megjithatë, u theksua se bizneset vendore po përballen me sfida serioze, veçanërisht nga shtrenjtimi i vazhdueshëm i energjisë elektrike, i cili po rrit kostot e prodhimit dhe po cenon konkurrueshmërinë. Kjo barrë financiare rrezikon investimet, zgjerimin e kapaciteteve dhe ruajtjen e vendeve të punës.
Përballë këtyre sfidave, u theksua se Kosovës i duhet një udhëheqje që i kupton dhe i mbështet realisht bizneset që investojnë, prodhojnë dhe punësojnë. Bedri Hamza u vlerësua si kandidati i duhur, me përvojë konkrete dhe vizion të qartë për zhvillim ekonomik, stabilitet dhe mbështetje të sektorit privat.
Bizneset kanë nevojë për siguri, jo eksperimente.
Për një Kosovë që punon, prodhon dhe ecën përpara me dinjitet.
Bashkë. Përpara.
#PDK131
#BedriHamza1
#GanimeteMusliu12
