Kryetari i Partisë Euroatlantike të Kosovës, Milaim Zeka, ka folur për raportet e tij me presidentin e ndjerë të vendit, Ibrahim Rugova.
Zeka ka thënë në emisionin “Pressing”, se Rugova e kishte përzgjedhur për drejtor të Radiotelevizionit të Kosovës.
Ai po ashtu ka deklaruar se me ish-kreun e Lidhjes Demokratike të Kosovës ka pasur shumë takime.
“Në vizitën e parë zyrtare në jetën e tij, ka ardhur në Oslo, te unë, në vitin 1990 apo 91”, ka treguar Zeka.
“E kam takuar me personalitetet më të larta norvegjeze”, ka bërë të ditur deputeti i Kuvendit të Kosovës.
“Prej Oslos kemi shkuar në Stokholm. Ishte hera e parë që presidenti Rugova takonte një personalitet aq të lartë sa ministrja e Punëve të Jashtme të Suedisë, Margaretha af Ugglas”, ka kujtuar Zeka.
“Unë kam qenë përkthyes. Rugova deklaroi: Ose do ta ndihmoni popullin tim për t’u çliruar nga Serbia, ose do të bëhet bazeni i gjakut deri në gju”, ka treguar Zeka.
Sipas Zekës, Rugova ka qenë shumë “radikal”. Ai ka akuzuar rrethin e Rugovës se e kanë dëmtuar presidentin e ndjerë.
“Këta zhapinat, hardhucat, që i ka pasur rreth e rreth vetes, që gjysma kanë qenë njerëz të UDB’së, e kanë shafitur Rugovën”, është shprehur ai.
Ai ka folur edhe për mos shkuarjen e Rugovës të varri i Adem Jasharit.
Sipas tij, atij i kanë se mund të vritej nëse e kalon “Kronin e Mbretit”.
“Sami Lushtaku i ka thonë nëse kalon Kronin e Mbretit të vraj. Qështu kam dëgju. Baci Rifat i ka qu fjalë dhe i ka thonë të pres…”, ka thënë Zeka. /Ballkani.info/
