Platforma mjaft e njohur e transmetimit të videove, Youtube, është duke punuar në një shërbim abonimi. Ky opsion me pagesë do të largojë të gjitha reklamat nga platforma. Shërbimi pilot kishte filluar të testohej që në 2013 dhe kushtonte 99 cent në muaj.
Këtë informacion e dha një zyrtar i kompanisë për televizionin amerikan CNBC. Shërbimi do të jetë së shpejti i disponueshëm. Normalisht që këto plane do të ndryshonin terësisht Youtube duke pasur parasysh se kompanitë kanë shënjestruar përmes këtyre reklamave 1 miliard konsumatorët e saj.
Ndërkaq edhe Facebook po shfaq interes për të investuar në këtë drejtim. Muajt e shkuar zbuluar edhe synimet e Facebook për të ndërtuar një platforme transmetimi të videove. Edhe Amazon e Netflix kanë filluar t prodhojnë përmbajtje më tradicionale. Gjithësesi ky sektor zotëron një potencial të lartë të cilin ja garanton pikërisht reklamimi duke mos harruar edhe vetë karakterin e Google. (PCWorld Albanian)
- Advertisement -
