Granit Xhaka u shpreh tejet i emocionuar pasi pranoi çmimin e Lojtarit të Vitit në Zvicër.
Mesfushori shqiptar i cili luan për Arsenalin ka bindur me paraqitjet në kombëtare të gjithë fansat zviceran, të cilët e votuan atë për lojtarin më të mirë të vitit, çmim që ndahet nga Credit Suisse.
Dhe, ai thotë se kjo arritje do ta motivojë që të punojë edhe më shumë.
“Po ndihem shumë mirë dhe i vlerësaur për çmimin si Lojtari më i mirë në Zvicër. Secili çmim ju bën të ndihet mirë, por këtë herë është diçka e veçantë”.
“Të fitosh një çmim të tillë nga adhuruesit është një gjë e veçantë. Ju jeni ata që më motivoni dhe më bëni krenar. Ju faleminderit për përkrahjen”, u shpreh Xhaka në falënderimin e tij publik në Instagram.
Kjo është hera e parë që Xhaka fiton një çmim të tillë. /Telegrafi/
