Dega e Lëvizjes Vetëvendosje në Skenderaj përmes një aksioni simbolik ka ilustruar mënyrën e shpërndarjes së subvencioneve në bujqësi në komunën e Skenderajt, raporton Drenica Press.
Sipas VV-së komuna fillimisht fillon me shpërndarjen e subvencioneve për të afërmit dhe më pas çfarë tepron u ndan fermerëve.
Lexojeni të plotë postimin e Lëvizjes Vetëvendosje – dega Skenderaj:
“Subvencione në bujqësi”
Duke ndjekur praktikat e Komunës së Skënderajt, sot, përgjegjësi për sektorin e bujqësisë, Bahri Zabeli, i shoqëruar nga sekretari i qendrës, Avni Ramadani, dhe aktivistë të tjerë, kanë bërë shpërndarjen e subvencioneve në bujqësi. Në fakt, kanë ilustruar mënyrën e shpërndarjes së subvencioneve në bujqësi në komunën tonë.
Duke marrë shembull nga komuna, fillimisht, ata filluan me shpërndarjen e subvencioneve për të afërmit e tyre me shpresën se çfarë tepron do ta shpërndajnë për bujqit. Fatkeqësisht, familjarë shumë e asgjë nuk teproi. Shnosh herëve tjera.
Në ndërkohë, derisa po bëhej shpërndarja e subvencioneve, një pulë i ka bërë tre vezë! Me atë rast, për të mos i lënë asgjë rastit, drejtori i bujqësisë ka kërkuar që vezët t’i kthehen komunës në emër të participimit.
Kështu edhe komuna nxjerr diçka.
Pulat pa pupla, simbolizojnë subvencionet pa dobi që shpërndan komuna jonë. Komuna çdo vjet bëhet se shpërndanë subvencione, por këto subvencione nuk shpërndahen si duhet dhe për rrjedhojë nuk e përmirësojnë aspak gjendjen në bujqësi.
Mbishkrimet tregojnë lidhjet familjare në shpërndarjen e subvencioneve në bujqësi në komunën tonë.
Të mos harrojmë me falenderu kryetarin e komunës që na e besoi shpërndarjen e këtyre subvencioneve.
