Lëvizjes Vetëvendosje në Vushtrri, sot iu kanë bashkuar dhjetëra qytetarë të ri, të cilët premtuan që do t’i bashkohen protestës me 29 shtator në Prishtinë, kundër presidentit Thaçi, shkruan ‘Gazeta Blic’.
Anëtarëve të ri të Vetëvendosje, iu uroi mirëseardhje kryetari i qendrës së VV-së, Besim Muzaqi, i cili tha se nga sot ndihen edhe me të fuqishëm.
Më poshtë e gjeni edhe njoftim e plotë të bërë nga Vetëvendosje:
Vetëm sot, në Lëvizjen VETËVENDOSJE! në Vushtrri u antarsuan dhjetra qytetarë, kryesisht gra e vajza të cilat u zotuan që me shumë shoqe e familjarë do t’i bashkohen protestes më 29 shtator në Prishtinë. Anëtaret e reja i mirëpriti kryetari i qendres së Lëvizjes VETËVNDOSJE! në Vushtrri, Besim Muzaqi .
Ai,duke ju dëshiruar mirëseardhje, i falënderoi anëtaret e reja dhe tha, se për të qenë Levizja VETËVENDOSJE! , protesta e së shtunes dhe organizimi ynë në përgjithësi i fortë, duhet që pjesëmarrja e femrave të jetë sa më e madhe, andaj sot ndihemi edhe më të fuqishëm në rrugën tonë, kur e shohim përkrahjen e motrave tona .
