FC Vushtrria ka siguruar edhe matematikisht inkuadrimin në Superligën e Kosovës në futboll dhe atë nga pozita e parë në Ligën e Parë, shkruan Gazetasheshi.com.
Megjithëse kanë mbetur edhe dy javë deri në uljen e siparit të edicionit 2018/19 dhe ekipi vushtrrias zhvillon këtë të mërkurë ndeshjen e fundit në “Ferki Aliu”, megjithatë ata nuk do të mund ta ngrisin trofeun.
Koha nuk u ka mjaftuar vushtrriasve që të organizojnë festën e madhe, teksa është menduar edhe Plani B, e cila varet nga Federata e Futbollit e Kosovës, që ndeshjen e javës së fundit ndaj Onix ta zhvillojnë në Vushtrri, pavarësisht se ekipi i tyre është mysafir.
“Për shkak të kohës së limituar, ditën e mërkurë nuk është paparë që të ngritet kupa për vendin e parë.
Ne si klub kemi bërë kërkesë zyrtare në FFK, dhe marrëveshje me KF Onix që xhiroja e fundit të zhvillohet në Vushtrri. Ne besojmë që do të hasim ne mirëkuptim nga palët e lartëcekura!”, thuhet në njoftimin e Vushtrrisë.
