Banorët e zonës vranë një gjarpër të madh pasi dyshonin se ai kishte ngrënë një viç sepse stomaku i tij ishte i fryrë.
Kur ata ua hapën barkun, zbuluan se gjarpri ishte shtatzënë dhe që kishte me dhjetëra vezë, përcjell gsh.
Ngjarja ka ndodhur në Nigeri, kur mediat lokale thanë se gjarpri ishte vrarë pas akuzave se ai kishte ngrënë bagëtitë e fermerëve.
Megjithatë, imazhet e shfaqura tregojnë se gjarpri nuk ishte në mbipeshë për shkak të vaktit të tij të fundit, por ishte shtatzënë.
Komentuesit në rrjetet sociale duket se kanë pak simpati për gjarprin dhe thonë se vrarja e tij ishte një gjë e mirë sepse nuk do të vinin në jetë gjarpërinj të tjerë.
Edhe pse nuk ishte e qartë se çfarë lloj gjarpri ishte, shumë prej tyre mund të prodhojnë deri në 100 vezë njëkohësisht.
