Vogëlushët nga Drenasi nderojnë Fehmi dhe Xhevë Lladrovcin me simbolin e shqiponjës (Foto)

Një ditë pas përurimit të shtatoreve të heroit Fehmi Lladrovci dhe heroinës Xhevë Krasniqi-Lladrovci, vogëlush të Drenasit nderojnë me simbolin e shqiponjës, para shtatoreve të të pavdekshmeve!

Ndryshe, dje në Drenas u tha se fryma, angazhimi dhe mesazhet unifikuese dhe mobilizuese të Xhevës dhe Fehmiut për Ushtrinë Çlirimtare është e pa krahasueshme. Rënia e tyre ishte mesazhi më i mirë i një luftë sublime se lufta do vazhdonte deri në çlirimin e vendit.

Presidenti Hashim Thaçi u shpreh është një ditë e veçantë për Kosovën dhe kombin shqiptar.

“Xhevë dhe Fehmi Lladrovci  ishin dhe do të mbeten në përjetësi si emblema e Ushtrisë Çlirimtare të Kosovës. Fryma, angazhimi dhe mesazhet unifikuese dhe mobilizuese të Xhevës dhe Fehmiut për Ushtrinë Çlirimtare është e pa krahasueshme. Rënia e tyre ishte mesazhi më i mirë i një luftë sublime se lufta do vazhdonte deri në çlirimin e vendit”, tha ai.

“Kontributi dhe lufta e Xhevës dhe Fehmiut nuk ishte vetëm për pavarësinë e lirinë e Kosovës. Kjo është e pamjaftueshme për ta. Ne duhet të integrohemi në NATO, BE, kështu që tani institucionet janë në rrugë të mbarë dhe në koordinim me SHBA që në muajt e ardhshëm të fillojmë themelimin e ushtrisë së Kosovës.  Kam përkrahur dhe mbështes fuqishëm kërkesën e institucioneve të Luginës së Preshevës për bashkimin me territorin e Kosovës. Në asnjë rrethanë nuk do lejojmë ndonjë ndarje të territorit të shtetit, assesi ndërtimin e ndonjë republika serbe”, tha ai.

Kryeministri i Kosovës, Ramush Haradinaj u shpreh se populli i Kosovës është populli më rrugën më të gjatë të lirisë.